വെൺമണി: മാർത്തോമ്മാ ഹയർ സെക്കണ്ടറി സ്കൂളിലെ ഹയർ സെക്കണ്ടറി വിഭാഗത്തിൻ്റെ സിൽവർ ജൂബിലിയാഘോഷങ്ങളുടെ ഭാഗമായി ജനുവരി 9 വെള്ളിയാഴ്ച സ്കൂളങ്കണത്തിൽ
ബാസ്കറ്റ് ബോൾ ടൂർണമെൻ്റും ഫുഡ് ഫെസ്റ്റും നടത്തും. ടൂർണമെൻ്റ് രാവിലെ 9 നാണ് ആരംഭിക്കുക. ചങ്ങനാശേരി എസ് ബി കോളജും തൃശൂർ കേരളവർമ കോളജും ഏറ്റു മുട്ടും. യുയാക്കീം മാർ കൂറിലോസ് സഫ്രഗൻ മെത്രാപ്പോലീത്ത ഉദ്ഘാടന കർമ്മം നിർവ്വഹിക്കും.
11 മുതൽ ഉച്ചയ്ക്ക് 2 വരെ രുചി ഭേദങ്ങളുടെ വിസ്മയം ഒരുക്കുന്ന ഫുഡ് ഫെസ്റ്റും ഉണ്ടായിരിക്കും. അമൃത ടി.വി സൂപ്പർ സ്റ്റാർ അശ്വിൻ പ്രകാശ് ഉൾപ്പെടെ സ്കൂൾ വിദ്യാർത്ഥികൾ ഒരുക്കുന്ന കലാ വിരുന്നും ഉണ്ടായിരിക്കും. കൂടാതെ തദ്ദേശ സ്വയം ഭരണ സ്ഥാപനങ്ങളിലേക്ക് തെരഞ്ഞെടുക്കപ്പെട്ട ജില്ലാ , ബ്ളോക്ക്, ഗ്രാമ പഞ്ചായത്ത് അംഗങ്ങളെ ആദരിക്കുകയും ചെയ്യുമെന്ന് പ്രിൻസിപ്പൽ ഷീബാ ഉമ്മൻ, ഹെഡ് മാസ്റ്റർ സജി അലക്സ്, പബ്ളിസിറ്റി കൺവീനർമാരായ പ്രൊഫ എം കെ സാമുവേൽ , സാം കെ ചാക്കോ എന്നിവർ അറിയിച്ചു.
